الشاعر حسين مردان

 

hussein

من شعر الشاعر حسين مردان 

تهتز من هول اللهيب أضالعي 

فكأنما بين الضلوع جهنم 

يا من أكاد إذا التقت بعيونها 

عيناي يأكلني الحنين الأعظم 

ما بال وجهك كالحجارة جامداً

وعلام ثغرك عابس لا يبسم

آمنت بالحب الذي في خافقي

وكفرت بالحسن الذي لا يرحم

 

نظرية المؤامرة

 Conspiracy Theory :نظرية المؤامرة 

 بالعربية ( مؤامرة ) مقتبس من الفعل تآمر، وعرفه العرب حديثاً وكانوا يقولون ( أمر دبر بليل )، وهو مصطلح إستخدم بشكل واسع بعد الحرب العالمية الثانية إبان فترات نضال شعوب كثيرة لنيل الإستقلال والكفاح ضد الإستعمار، ودخل قاموس أكسفورد عام 1997م ويمكن تعريف المؤامرة بشكل مختصر
قيام طرف ما بعمل منظم سواءً بقصد أو دون قصد، سراً أو علناً، بالتخطيط لتحقيق هدف مشترك مع طرف آخر لتحقيق مصلحةٍ معينة أو بسط النفوذ لمنافع سياسية أو إقتصادية، ويتم تحقيق الهدف بخطوات مدروسة غالباً ،من خلال العناصر المتاحة لهم، وهي الزمن والأموال لشراء الذمم والوعود وأخطاء الضحية أو غفلتها
كذلك يطلق مصطلح المؤامرة لتبرير وقوع حدث ما أو مجموعة الأحداث التي قد ترتبط بقضية سياسية أو إجتماعية أو سلسلة أحداث تأريخية أثرت بشكل سلبي في حياة مجموعة بشرية في زمان ومكان محددين، ومثال على ذلك الإنقلابات التي رعتها منظومات المخابرات للدول المهيمنة على القرارات الدولية ضد أنظمة حكم وطنية تحظى بشعبة في بلدانها أو حكومات ديمقراطية أفرزتها صناديق انتخاب نزيهة، أو ما يحصل من مغامرات في التجارة أو دسائس في الحياة العامة للأشخاص، لكن مصطلح المؤامرة أصبح شائعاً (شعبي) وغالباً ما يلجأ إليه الخاسرين أو الذين لايستطيعون توضيح الأزمة التي تواجههم بشكل منطقي عقلاني، ويستخدم إعلامياً بإسلوب غولمز (نظرية الكذب)، للتغطية على الفشل المرافق للفعل الحاصل وبذلك يكون التبرير بالمؤامرة مؤامرة أيضاً

الشاعر نايل الشمري

IMG_1022

اليوم وبصحبة مجموعة من الأصدقاء في لقاء جميل وممتع مع الشاعر نايل الشمري وذكريات عن جامعة البصرة في التنومة ونادي الجامعة آنذاك وقصيدة

((((((( زغيرة وماتعرف تحب )))))

زغيره وما تعرف اِتحـــب

ولا دغـدغ گلبها الشــــوگ
هضيمة بشط هواها الروح
دوم معاتت اُِوْيَ الموج
زغـــــــيره وحســـــرتي چبــــــيره
يا صاحب ما أظنها اِتْفِلْ
ولا اظن يحصد اليشتل
ولا ينفع دمع يهمل
تصــد مــرّه وأعاتبــها
تراضيني وتِرِدْ تجفــــل
لا غلطه البدت مني
ولا چلمه الگلت عنها ولا عني
وأهيم وما أگول أرجع
تجي يمّي وتچابسـني
أنام وحتى ساعه أهجع
تجي بطيفي وتفززني
وأحس بحرگة اضلوعي
وتضل تدي وحنيني يصب
واَگولن هاي هم قسمه
زغيره وما تعرف تحب
چثيره أيام مرت وآنا هالحاير
لا شوره التدليني ولا شاير
واشوف الناس كلها عـزاز
وآنـــــــا وحيـــدهم بايــــــر
اشـــجاني واشحصلت منـــــها ؟
عواذل وشَت عليَّ
مثل ما وشـَــت عليها ؟
لا مامش عواذل ما تحاچيـــها !!
چا شنهي السدة عليه
عرفته اللي چـان واشـــيها .. !!!
ولك يا صويحبي استاذي يحـوم ايـدوّر عليها
تحاچيه ويحاچيها .. تناغيــه وينــاغيها
أگولن يا صاحبي اسندني
أشوف الدنيا تِتِلْ بيّه واتِلْ بيها
ولك استادنا ريّض
يــگـول هاي النـاس شعليها
حســــافة اســـتاد
چنك ما دريت بحسبتي وياها
حســــافه اســــتاد
گلبي اللي هواها شلون ينساها
شـــگول عليك يا استاذي
وشــريد أدعي ؟
عسنّك بيش
بالحسرة التحز بكَليبي وبضلعي
بالعبرة التسيّل عالوجن دمعي
بالضحكات بالچلمات علمعبر
نار وبالگلب تسعر
عسنّك بيش يل ملعون يل كل چلمة بالدفتر
تذكرني بهواك اكثر
واذكرنهة احبنهة
وحك عيناك يا استادي
وعلي الشرجي احبنهة
امشي عليك أبو حزامين
لا توصل بعـــد يمها
شـــتريد انطيـــك شـــهديلك ..؟
الك گلبي وگــلبي عوسج ابهمها
الك روحي وانت الروح ظالمها
تريض وانعل الشيطان
واسمع نخوة افادي
لو هذا الحچيته وياك
ما ينحاچ يا استادي
خل يشهد علي الهــادي
احرم عليك حتى طبت النادي
وشحدهه وتگلك طب
صغيرة وما تعرف تحب
اشوف الناس كلهة الناس
تركض علسراب تكول
هذا الماي وما مش ماي
وانا عليمن اگَنطر داي فوگ الداي
ولفي وما يهمة بچاي
لچن انا يا بعد چلاي موش استاذ
ولا بيدي امر ذيچ وهاي
وما أگدر انجحنها
لو سـاعه اضحكت ويــاي
ولا أگدر اسقطنها
إن صــدت تـريد جفـــــاي
انا منين أجيب الشهادة منين
وارضّي بيهه هواي
وأنا حسره عليّ
يا استادي شربة الچاي
بس عندي گليب يا محلاه
ألف حسره التحز بچلاه
وعندي تركه من بگايا الروح
چثيره جروح تصيح الدّاد
الخطية برگبتك يا استاذ
جرحي وما يلفّه ضماد
ولا اظن قصّتي عله البشر تنعاد
هذي قسمتي من الله مو من واحد واعتب
زغيرة وما تعرف تحب

رد الاستاذ

عيش ابخت واحچي ابخت وبوكگ ابخت
مكَرود يالمالك بخت
تركض وتتعب عل الولف
تاليهه تگعد عله التخت
صدكَ يالتنشد عليها
ودمع عينك حرام يصب
صدكَ يا فلان زعطوطة
زغيرة وما تعرف تحب
زغيرة ولعبت علية
زغيرة وعذبت گَلبي
شفتها ابدرسي مو راحة
تصد عين وترد تربي
تشيل اصبعها بالعَمْده
شحلات اصبعها يسبيني
واحس بدمها هل اليدبي
واجاوبها وترد تسال
واشوف منادس الحلوات ياذيني
واحاچيها واگول لگَيت مگصودي
شحلات الرد تكد ايدي وتسليني
شسولفلك
اخاف تطول سالفتي
عله ساعة لني غرگان ابعواطفها
احبچ گالت إحبيب
اريدچ كالت ادلل
احب ذبت سوالفهه
اگلها شلون وانة استاد
اگلهه شلون اطب للصف
اخاف حچاية العذال
لَوَنْ واحد يخالفها
يا عيب العيب گالت
غصبن عله الناس
احبك واعبد الدفتر
اريدك واعشگ الچلمة ال توالفها
مشيت برجل تستاهل الجنة
اثاريها بگبرها تطب
صدك يل تنشد عليها
ودمع عينك حرام يصب
صدك يا فلان زعطوطة
زغيره وما تعرف تحب
عليمن تنخة ابو حزامين
وتتهدد بعلي الشرجي وعلي الهادي
وتريد تحرمني غصب من طَبّتْ النادي
يا حِيَفْ الحيف وانتَ امشورب وراهي
ويگولون الفهم عندك
ولك وين الفهم بال يفرض بروحه عله محبوبه ؟؟
الفهم يا فلان من يعرف معاني الحب على دروبة
العشگ يا فلان روحين وسط الريح مصلوبة
العشگ رد وبدل يا فلان
لو بالگوة چا صار العشگ طوبة ..
اعاتب .. والعتب ياذيني ويذبني
اعاتب لجل عينك مو لجل وحدة تعذبني
ترة انة هم مثلك ظليت مدوهن وحاير
انة الظليت ارد للضيم چبحاتة
انة الظليت ذاك الگال
لا ردنة ابو عليوي ولا بينت مسحاتة

رد الطالبة

چبيرة آنه چبيرة وعدكم زغيرة
زغير الماعرف أمرة وتدابيرة
زغير الوگع حظه وبگة بحِيرة
ولك والحبّو يگولون:
لو مال الغصن حدرك
يا طير اطفر لغيرة
چبيرة انة چبيرة وعدكم زغيرة
زغير انت .. زغير وما تَعَرْف إتحب
نسيت شلون اتلگاك من تِچْهَبْ
هنا يا لاهي
وماعرفت اشلون تلهة
هناية ساهي
وما حسبت حسابك الهة
ساعة الگيك يم سوسن
ساعة الگيك يم زهرة
تعال اگرب اعتبنك ولو مرة
تعال اگرب تعناني اشوفك جرحك اشكبرة
تعال وصير عطابة
تعال وچم تعال
وما نفع وياك
وانت على ضحچات العليلة
شلون مسترطب
هذا انت وتگلي
زغيرة وما اعرف الحب ؟؟
شنهو الحب ؟؟
شتريد تگول .. شتوصفة ؟
المخلص يجيب الماي من الغيم
لو لحظة عطش ولفة
لا تطري دروب الحب
عليك محرمة وكلفة
ادري بَكْ طري ذبلان
ادري بك شبه سعفة
تميل ويه الهوه لو مال
ماريدك بعد حيال
ظل اسمع حچي العذال
واشبع لوم كلمن كال
الما يعرف تدابيرة
حنطتة تاكل شعيرة
چبيرة انا چبيرة وعدكم زغيرة
هذي قصتي وية فلان
لاچن شوف اللي چان
استادي يصول يجول
يدور ابحومة الميدان
يعض اصبع يظل سهران
عليمن ؟؟
شنهو البدر مني وبان
يا ناس اسمعوا قصتي
شلت ايدي لجل فهم الدرس
مو لجل حرشة غايتي
وجيتك مرة لو مرتين للغرفة
مرة توصفلي طريج الحل
مرة مدري اشچانت الوصفة
يا عيب العيب تحسبهة سوالف شوگ
ولهفة
خلف الله على الدلاّك
عايزهه بعد زفة
حرت انة يا هل وادم
بين استادي والطالب
من مثلي على الصوبين
دتحارب
بعت انة وشريت النوم
ولا فد يوم
اريد الناس ينسوني
اريدن تغمض جفوني
حيرانة الدرب
دِدَلوني
لا يوم اليمر يومي
مو راح اشگن اهدومي
يا ربي شلون هلحيرة
چبيرة انه چبيرة وعدكم زغيرة

ذكريات الزمن السجين – اليقين

ذكريات الزمن السجين

اليقين

الثانية  بعد الظهر ذات خميس نيساني وقت الذروة والزحام أيام الحرب والسجون والتهجير وصلت الحافلة ذات الطابقين المتجهة نحو الجنوب الغربي والقادمة من وسط العاصمة الى مكان الوقوف بين السينما القديمة والشارع العريض.

كانت جالسة خلف سلم الصعود، منشغلة باللمسات الأخيرة لتكحيل عينيها ، وضعت المرآة والقلم في حقيبتها ونهضت.

نزلت من باب الصعود ترتدي الزي الجامعي الأنيق، تحمل حقيبتها وحافظة الاوراق. ترجلت بين الواقفين وبعد خطوتها الثالثة رفعت رأسها ، فجأة وجدت نفسها وجهاً لوجه مع الجندي العائد من معسكره جنوب المدينة، حدقا ببعضهما. كانت قد قطعت له وعداً وميثاق وأقسمت على إنها لَنّ تدخل الشارع العريض أبداً أبدا. إحمر وجهها وبانت محتاره لكنها إعتادت الطريق. وبحركة جنونية سريعة أدارت رأسها قبل جسدها وعادت من حيث نزلت

الفتى ما كان  مستغرباً مما حصل فقد تحدثت له عن نفسها الكثير

تذكر دموعها على صدره مراراً

وآلمه إنها تنتحل شخصية شقيقتها التوأم

توقع نزولها في المحطة القادمة كي تقصد هدفها عبر الأزقة

!!!!!!!!  وتيقن إنها كانت مجندة 

تعزية

:تعزية
على عُجالة من أمرها كتبت
عيدكم مبارك رحمه الله وكل عام وأنتم بخير
أطبقت الرسالة وضمَّنتها الظرف. وضعت المظروف في صندوق البريد. عادت ترتشف الشاي بيديها المرتجفتين وبطرف عينها لمحت المدية تقطر شئ احمر